Рус Бел Eng De Cn Es Ar
Чемпионат РБ по настольному теннисуПервенство БГУ по лыжным гонкам и шахматамЧемпионат Республики Беларусь по лыжным гонкам 2016Республиканская универсиада по биатлону 2016Чемпионат Республики Беларусь 2016 по карате Чемпионат Республики Беларусь по аэробике 2016Кубок Накаямы 2016кошыкбол 2016Универсиада 2016 по ориентированиюСтуденческая баскетбольная лига 2016 (девушки)Чемпионат Мира по шашкамМинский полумарафонНеделя спорта и здоровьяТурнир по карате в ГродноСпартакиада Союзного государстваПервенство журфака по футболуРезультаты октябрьских спортивных состязаний Универсиада 2016:дзюдоТурнир памяти Ковалева В.Ф.Спортивные итоги 2016 годаУниверсиада 2016 по настольному теннисуЧемпионат РБ по спортивной аэробике 2017Результаты соревнований первенства БГУУниверсиада 2017 по спортивной аэробикеУниверсиада по армрестлингуУниверсиада по самбо
кошыкбол 2016
"Калі ты не бегаеш, пакуль здаровы, прыдзецца пабегаць, калі захварэеш", – лічыў старажытнарымскі паэт Гарацый. Без сумневу, нашы сённяшнія героі здолеюць захаваць здароўе на доўгія гады, бо іх фізічнай вынослівасці і актыўнасці можна толькі пазайздросціць. 
З нагоды Сусветнага дня здароўя 7 красавіка наш універсітэт вырашыў правесці таварыскі матч па баскетболе. Цікавостка ў тым, што знаходлівыя філфакаўцы вынайшлі для звыклай нам гульні новую назву – кошыкбол, палічыўшы, відавочна, што някепска было б замяняць запазычанні тыпова беларускімі словамі. У спорткомплексе "Універсітэцкі" сустрэліся дзве моцныя групы гульцоў – каманда філалагічнага факультэта пад мудрым кіраўніцтвам Івана Сямёнавіча Роўды і каманда факультэта філасофіі і сацыяльных навук, узначаленая намеснікам дэкана Юрыем Генадзьевічам Чэрнякам. Спачатку капітаны каманд узялі ўступнае слова. Яны адзначылі важнасць аховы здароўя, выказалі спадзяванні, што спорт будзе і далей найлепшым сродкам для захавання моцы цела і духу, а кошыкбол – годнай традыцыяй і прыемным баўленнем часу як для аматараў, так і для бывалых спартсменаў. Энергічны трэнер нашых гульцоў, доктар філалагічных навук Барыс Юстынавіч Норман, пажадаў прысутным даўгалецця і параіў заўжды сябраваць са спортам. Каманда па чэрлідынгу DanStart BSU задала бадзёры тон перад пачаткам матча.
Нарэшце на пляцоўку выйшлі "кошыкбольшчыкі". Пасля знаёмства з імі суддзя даў свісток, і гульня пачалася. З першых імгненняў прысутныя зразумелі, што барацьба будзе напружанай. Сітуацыя змянялася літаральна кожную секунду. Каментатары матча ледзь паспявалі за дзеяннямі гульцоў, але выдатна спраўляліся са сваёй задачай, аператыўна і эмацыйна апісваючы ход гульні. Тым не менш, па выніках першага тайма філфак вёў з лікам 14:11. Але ні ў кога не было сумненняў, што ФФСН гатовы ўзяць рэванш. 
Падчас тайм-аўта з рытмічным танцам на пляцоўку завіталі дзяўчаты з філалагічнага факультэта. Каб не дазволіць заседзецца заўзятарам, каментатары матча правялі для іх конкурс на праверку спрыта і хуткай рэакцыі. Пераможца атрымала не зусім здаровы, але ад гэтага не менш смачны падарунак. 

Пасля музычна-спартыўнай паўзы барацьба працягнулася. Адпачыўшы, удзельнікі з новымі сіламі ўключыліся ў гульню, і зноў жа ўсё было вельмі непрадказальна. З перавагай у адно ачко выігравала каманда філалагічнага факультэта, але на апошніх секундах гульцы з ФФСН здолелі зраўняць лік і тым самым даць перамагчы сяброўству, якое, варта адзначыць, таксама грае не апошнюю ролю ў захаванні здароўя. Такім чынам, фінальны лік матча – 29:29. Было відавочна, што гульцы задаволеныя як працэсам, так і вынікам. 
Напрыканцы матча прысутных парадавалі музычнымі падарункамі студэнткі філалагічнага факультэта Яна Кулік і Яна Паўлоўская. У зале панавала атмасфера натхнення і бадзёрасці. Жадаем удзельнікам, заўзятарам, і ўсім, хто завітаў сёння на кошыкбол, здароўя, энергіі і аптымізму! Памятайце: у здаровым целе здаровы дух!

Нiжэй можна паглядзець як гэта было:

кошыкбол

кошыкбол

кошыкбол

кошыкбол

кошыкбол

кошыкбол

кошыкбол

кошыкбол

кошыкбол

кошыкбол